Arrestimi i Safet Bajrit (Rustemi) në Tiranë mbrëmjen e djeshme pas një hetimi 6 mujor është përcjellë edhe në mediat belge. E përditshmja RTBF, në një shkrim të sotëm shkruan se Rustemi konsiderohet si një kriminelë nga më të rrezikshmit në Evropë. Në shkrim theksohet se familja e tij ka kryer disa vrasje në Shqipëri, ndërkohë që në Belgjikë, ai deshi të merrte me dhunë kontrollit e skenës së prostitucionit.
’Safet Rustemi konsiderohet nga autoritetet si një nga kriminelët më të rrezikshëm në Evropë. Familja e tij ka kryer disa vrasje në Shqipëri. Në Belgjikë, Rustemi u përpoq të merrte kontrollin e skenës së prostitucionit në Bruksel duke përdorur dhunën.
Vitin e kaluar, ai mori një dënim të parë prej 9 vjet burg. Këtë vit, ai u dënua dy herë, me 8 dhe 5 vjet burg. Megjithatë, në qershor të vitit 2017, ai u dëbua pasi u lirua me kusht. Njeriu qëndroi në mënyrë të paligjshme në Belgjikë”, shkruan media belge ‘’RTBF”.
Safet Rustemi u bë i njohur pas një shkrimi të mediave belge të cilat e cilësonin Rustemin si një nga njerëzit më të kërkuar në Belgjikë. Mediet belge në shkrimet e tyre thonin se Shkodra ishte nën kontrollin e 5 familjeve mafioze të cilat kishin në dorë të gjitha lëvizjet në këtë qytet.
