Ish-gjykatësja Mirela Fana është përjashtuar për 15 vite nga sistemi i drejtësisë, ky ka qenë vendimi i dhënë sot nga ana e Komisionit të Pavarur të Apelimit. KPA ka lënë në fuqi vendimin e KPK-së, pasi vetë Fana dha dorëheqjen pak ditë para se të niste procesi i Vetingut në radhët e gjyqësorit.
Trupa gjykuese në KPA përbëhej nga Natasha Mulaj, relatorja Rezarta Schuetz dhe anëtarë: Albana Shtylla, Ardian Hajdari dhe Sokol Çomo, ndërkohë që vetë Fana kishte refuzuar të merrte pjesë.
KPK vendosi më herët të pranojë dorëheqjen e Fanës dhe për rrjedhojë ndërpreu Vettingun ndaj saj, por Komisioneri Publik, Florjan Ballhysa, e ankimoi vendimin në KPA.
Sipas tij Fana përfiton çdo të drejtë si magjistrate pasi ka bërë dorëheqjen nga posti i anëtares së gjykatës së Lartë dhe jo i statusit magjistrate. E megjithatë, Fana tashmë është jashtë sistemit të drejtësisë.
