Komisioni i Pavarur i Kualifikimit (KPK) rifillon sot më datë 06.09.2018 procesin e rivlerësimit të gjyqtarëve dhe prokurorëve. Sot në seancën dëgjimore do të përballet Prokurori i Apelit në Durrës, Bujar Hoti, i cili është pjesë e listës prioritare të vettingut për shkak të kandidimit të tij në Këshillin e Lartë të Prokurorisë (KPK).
Sipas njoftimit të KPK-së, seanca dëgjimore do të drejtohet nga komisioneri Lulzim Hamitaj dhe anëtarët Brunilda Bekteshi dhe Olsi Komici. Hoti ka një karrierë të gjatë si prokuror, ndërsa ka drejtuar për më shumë se 10 vite Prokurorinë e Apelit në Durrës. Analiza e pasurisë është një ndër tre shtyllat e rivlerësimit së bashku me vlerësimin e aftësive profesionale dhe kontrollin e figurës.
