Policia italiane arrestoi në zonën e Milano dy vëllezër shqiptarë, të përfshirë në trafikun e lëndëve narkotike.
Vëllezërit, përkatësisht të moshave 49 e 41 vjeç, u kapën pas një denoncimi të thjeshtë në një aplikacion të quajtur YouPol, i cili shërben më së shumti që qytetarët të jenë të aftë për të denoncuar rastet e trafikut, dhunës apo edhe bullizmit.
Fillimisht i pari që është “sinjalizuar” nga qytetarët ka qenë 49 vjeçari që jetonte në qytetin e Milanos. Policia ka e arrestuar shqiptarin fill pas një kontrolli personal dhe të makinës së tij, ku u gjetën disa gramë drogë dhe disa euro.
Autoritetet vijuan kontrollet për të zbuluar në shtëpinë e tij, ku po qëndronte dhe i vëllai. Në banesën e shqiptarëve janë gjetur rreth cerek kilogrami kokaine dhe disa kilogram kanabis. Gjithashtu policia ka gjetur një sasi prej rreth 64 mijë eurosh cash si dhe tre peshore për të matur drogën që shqiptarët shisnin.
