Presidenti Donald Trump ka akuzuar Google për manipulimin e rezultateve të kërkimit për frazën “lajme Trump”. Me anë të postimeve në “Twitter”, ai akuzoi gjigantin e teknologjisë për prioritetin e dhënë të ngjarjeve negative nga ajo që ai e përshkroi si “media kombëtare të krahut të majtë”.
Google mohoi përdorimin e pikëpamjeve politike në rezultatet e kërkimit. Po ashtu tha se në faqen e saj të mbështetjes se ka “mbi 200 faktorë” që futen në renditjen e një faqeje të internetit në motorin e saj të kërkimit.
E ndërsa në faqen e tij në “Twitter”, Presidenti Trump pretendoi se 96% e artikujve të lajmeve të paraqitura nga Google në përgjigje të frazës “lajme Trump” ishin nga degët e lajmeve të majtë.
Google tha se qëllimi i saj ishte të gjente lidhjet më të rëndësishme me pyetjet e përdoruesve, dhe madje sa më shpejt që të ishte e mundur.
/AlpeNews.al
