Floida Kërpaçi thotë se 600 të rinjtë e LSI-së të trajnuar në Jalë, janë gati për luftë me kryeministrin Edi Rama.
Deputetja e re e LSI tregon se ata janë të pregatitur që në vjeshtë të ngrihen në protesta dhe ta ndëshkojnë shefin e qeverisë.
Pas rrëzimit, ajo mendon se Lëvizja Socialiste për Integrim do të krijojë kabinetin e duhur për të qeverisur shqipërinë.
“Unë dua të falenderoj ata 600 të rinj gjimnazistë dhe jo vetëm që erdhën për herë të parë, në kampingun politik të LSI, dhe vendosën idetë,pasionin, ëndrrat e tyre duke folur e duke mos pranuar heshtjen, duke ngritur alternativën rinore .
Dua të falenderoj dhe prindërit e të gjithë të rinjve që besuan te ne dhe nxisin të rinjtë për tu angazhuar, dhe luftuar për të ndryshuar vendin tonë duke e bërë Shqipërinë një vend më të mirë.
Jam e bindur se së bashku me ekipin luftarak të të drejtave të të rinjve të LRI, do të luftojmë përballë të keqes Edi Rama, duke mos lejuar atë e askënd të tallet,të përbuzë të rinjtë sepse rinia do t’ja japi dënimin që meriton atij dhe kujtdo që tallet me popullin!”, thotë Kërpaçi.
