Një aksident ka ndodhur në aksin rrugor Librazhd-Përrenjas, në vendin e quajtur “Përrenjas Fshat”, ku dy automjete janë përplasur me njëri-tjetrin. Një nga makinat e përfshira në aksident ka targa të shtetit maqedonas. 5 pasagjerë janë plagosur, por fatmirësisht ndodhen jashtë rrezikut për jetën. 3 prej tyre janë maqedonas. Të plagosurit ndodhen në spital, ku ndodhen nën kujdesin e mjekëve. Policia ka nisur hetimet për zbardhjen e plotë të aksidentit dhe të rrethanave ku ka ndodhur ngjarja.
Njoftimi i plotë:
Informacion paraprak
Në aksin rrugor Librazhd- Prrenjas, në fshatin Prrenjas, mjeti me targa AA 117 lA, me drejtues, shtetasin S.S., 45 vjeç, banues në Tiranë, është përplasur me mjetin me targa AË89560G me drejtues shtetasin maqedonas I Ll. 36 vjeç , banues ne Strugë Maqedoni.
Si pasojë e përplasjes janë dëmtuar shtetaset T.S., 75 vjeçe, Gj.K,80 vjeçe, E.K.,85 vjeçe banuese në Tiranë, të cilat kanë qenë pasagjere në mjetin që drejtohej nga 45 vjeçari nga Tirana, si dhe janë aksidentuar edhe shtetasit maqedonas M.Ll.31 vjeç , E.Ll.12 vjeç,. Q.Ll pasagjere në mjetin që drejtohej nga shtetasi maqedonas, të cilët janë dërguar në spitalin e Librazhdit jashtë rrezikut për jetën.
Grupi hetimor ndodhet në vendgjarje dhe po punon për zbardhjen e shkakut të aksidentit.
Në muajt e fundit në vendin tonë ka patur një numër të lartë aksidentesh, ku shumë prej tyre kanë shkaktuar viktima e të plagosur. Situata është përkeqësuar gjatë ditëve të fundit, ku vetëm mbrëmjen e djeshme 2 të rinj humbën jetën gjatë një aksidenti në Fier.
Policia e Shtetit dhe ajo Rrugore kanë ndërmarrë një plan masash me qëllim shmangien e aksidenteve. Para 2 javësh policia ka nisur edhe monitorimet me dron në disa nga rrugët kryesore të vendit ku ka edhe probleme me parakalimet dhe shpejtësinë në rrugë.
