Një tjetër rast dhune në familje, denoncohet në Polici. Këtë herë, rasti është regjistruar në Libohovë të Gjirokastrës dhe ka për protagonist babanë 68-vjeçar, që ka sulmuar dhe plagosur me thikë vajzën e tij 30-vjeçare.
Pas kësaj, i moshuari është prangosur nga Policia vendore.
Komisariati i Policisë Gjirokastër
Nga punonjësit në Postën e Policisë Libohovë u bë arrestimi në flagrancë i shtetasit:
P. B., 68 vjeç, banues në Libohovë. Arrestimi i këtij shtetasi u bë pasi në banesën e tij, ka ushtruar dhunë fizike dhe psikologjike si dhe ka goditur me mjet prerës vajzën e tij 30-vjeçare.
Materialet i kaluan Prokurorisë pranë Gjykatës së Shkallës së Parë Gjirokastër për veprime të mëtejshme, neni 130/a i Kodit Penal.
