Ndihma e Shqipërisë në përballimin e emigrantëve në Italinë fqinje ka marrë vëmendjen e të gjithë mediave italiane, shkruan lexo.al.
Ishte ministri Bushati i cili me anë të një postimi në tëitter deklaroi se “Ne nuk mund ta zëvendësojmë Evropën, por ne jemi gjithmonë këtu, në anën tjetër të një deti ku dikur ishim Eritreasit që po vuanin ditë e netë në det, duke pritur që Evropa të zgjohet! Dje Italia na shpëtoi. Sot gati për të dhënë një dorë”.
Të gjitha mediat italiane i ka pushtuar gjesti i Shqipërisë. Ato kanë në faqe të parë deklaratën e ministriti Bushati ku shpreh gatishmërinë e Shqipërisë për t’i qëndruar në krah fqinjëve që po përballojnë një sfidë të madhe me refugjat.
Me heret, pas gatishmërisë së Shqipërisë për të dhënë ndihmën e saj duke marrë 20 refugjatë, ka reguar edhe ministria e jashtme Italiane.
“Ministri italian i Punëve të Jashtme falenderon Shqipërinë për vendimin për të mirëpritur 20 refugjatë të anijes ‘Diciotti’. Një sinjal i solidaritetit të madh dhe e miqësisë mjaft të vlerësuar nga Italia”., shkruhet ne deklarate, citohet nga mediat italiane.
Sakaq, situatat sanitare në anijen ‘Diciotti’ mbetet delikate. Autoritetet urdhëruan zbritjen e 17 personave, disa prej tyre të dyshuar se janë infektuar me tuberkuloz.
Kryeministri Giuseppe Conte ka mbetur i paralizuar mes qëndrimit kategorik të dy zëvendësve të tij kundër zbarkimit të refugjatëve dhe përgjigjes së prerë të Brukselit, që refuzon ndarjen në kuota.
Conte shpresonte në gadishmërinë e vendeve anëtare, një shpresë kjo që rezultoi e kotë pasi përgjigjia e BE-së nuk linte vend për interpretime.
LINQET E MEDIAVE ITALIANE QE FLASIN PER GATISHMERINE E SHQIPERISE:
https://www.agi.it/cronaca/migranti_diciotti_salvini_fateliscendere-4309377/news/2018-08-25/
