Në vijim të traditës së krijuar tashmë prej disa vitesh dhe në kuadër të programit që Ministria për Evropën dhe Punët e Jashtme ka ndjekur për përthithjen e të rinjve të diplomuar brenda dhe jashtë vendit dhe qasjen e tyre pranë institucionit tonë, shpallet sërish praktika 3 mujore e punës në MEPJ për periudhën 3 shtator deri më 30 nëntor 2018.
Ky proces ndihmon të rinjtë të njohin më nga afër veprimtarinë dhe mekanizmat e institucionit dhe të përfitojnë një përvojë të vlefshme, duke i dhënë më shumë mundësi të rinjve dhe të rejave që kanë përfunduar studimet bachelor/master në fusha si shkenca politike, marrëdhënie ndërkombëtare, shkenca ekonomike, jurisprudencë të bëhen pjesë e kësaj eksperiencë.
Në vitet e fundit, rreth 310 të rinj dhe të reja kanë qenë pjesë e kësaj experience, disa prej të cilëve tashmë janë bërë pjesë e shërbimit të jashtëm përmes procedurave të konkursit.
Në këtë kontekst, të rinjtë dhe të rejat e interesuar duhet të dorëzojnë aplikimet e tyre për praktikën e punës në adresën [email protected] deri më datë 27 gusht 2018.
Formularët e aplikimit i gjeni në linkun: http://punetejashtme.gov.al/shpallet-programi-i-praktikes-ne-ministrine-per-evropen-dhe-punet-e-jashtme-per-te-rinj-qe-studiojne-jashte-vendit/
