Ish-ministri i Drejtësisë Ylli Manjani në një status në Facebook sqaron se reagimi i ditës së djeshme lidhur me zjarrin në një çerdhe në Tiranë, u hoq në respekt të së vërtetës.
Por sipas Manjanit Kryetari i Bashkisë (komitetit ekzekutiv) nuk po bind askënd as me lajmet që fsheh e aq më pak më realitetin që e shohin të gjithë.
Ndërkohë ish-ministri shtron pyetjen se kush do i garantojë prindërit që kanë fëmijë për çerdhe?
Postimi i plotë i Manjanit:
Në respekt të të vërtetës, ditë më parë e fshiva statusin kritik për zjarrin në një çerdhe të Tiranës. Por, Kryetari i Bashkisë (komitetit ekzekutiv) nuk po bind askënd as me lajmet që fsheh e aq më pak më realitetin që e shohin të gjithë: zjarri në një çerdhe tjetër!!! As më duhet fare nëse zjarret janë me qëllim apo me marmalatë. Kanë në dorë policinë, prokurorinë e gjykatat! Por thjesht pyes: Kush do i garantojë prindërit që kanë fëmijë për çerdhe se fëmijët e tyre janë të sigurtë?!
