Kuvendi i Kosovës gjatë sesionit pranveror të këtij viti ka mbajtur gjithsej 27 seanca. Nga këto 27 seanca, 20 prej tyre kanë vazhduar punimet në ditë të tjera, për shkak të mungesës së kuorumit.
Instituti Demokratik i Kosovës bën të ditur se vetëm gjatë këtij sesioni është regjistruar një numër i konsiderueshëm i mungesave të deputetëve. Në total, numri i mungesave për këtë sesion është 836 mungesa.
Secili nga 120 deputetët ka munguar mesatarisht rreth 7 herë në sesionin pranveror, ndërsa mesatarisht në secilën seancë (përfshirë vazhdimet) kanë munguar deri në 17 deputetë. Grupi parlamentar i LDK-së prin për nga numri i mungesave në krahasim me grupet e tjera parlamentare.
- MUNGESAT
LDK ka regjistruar 220 mungesa, PSD ka 129 mungesa, pasuar nga LS me 123, PDK me 101, LVV me 83, AAK me 70, NISMA me 47, 6+ me 32 dhe deputetët pa grup parlamentar me 31 mungesa. Sa i përket mesatares për deputetë, janë deputetët Pa Grup që kryesojnë me një mesatare prej 15 mungesash për deputet. Pasuar nga LS me mesatare prej 12 mungesash për deputet, PSD me 11 mungesa, LDK me 8 mungesa, AAK dhe Nisma me mesatare prej 6 mungesash për deputet, 6+ me 5 mungesa për deputetë dhe PDK e LVV me nga 4 mungesa për deputetë.
