Talenti shqiptar Andrea Isufaj është larguar nga Chievo Verona dhe ka kaluar në klubin e Serie C, Lucchese. Sulmuesi 18-vjeçar ka kaluar në klubin e Serie C dhe pritet të jetë një pikë referimi për repartin ofensiv të kësaj skuadre.
Lajmi është bërë i ditur nga vetë klubi i Lucchese që shkruan se ka siguruar shërbimet e lojtarit shqiptar. Andrea Isufaj i datëlindjes 1999 cilësohet si një sulmues shumë premtues me të dhëna interesante.
Ai shquhet për fizikun e tij dhe vitin e fundit ka bërë 32 paraqitje me skuadrën Primavera të Chievo. Në total në dy sezonet e fundit ai ka shënuar 12 gola duke qenë një nga më të spikaturit. Mësohet se transferimi i 18-vjeçarit, Andrea Isufaj është kryer nga agjenti i mirënjohur shqiptar, Sokol Haxhia.
