Sipas raportimeve, Apple ka hequr mijëra aplikacione për lojëra të fatit nga dyqani i saj në Kinë.
Gjiganti i teknologjisë nuk do të konfirmonte raportet që sugjeronin se kishte tërhequr 25,000 aplikacione, por në një deklaratë firma tha se “aplikacionet e lojërave të fatit janë të paligjshme dhe nuk lejohen në App Store në Kinë”.
Apple aktualisht ofron më shumë se 1.8 milionë aplikacione në Kinë.
Heqja e aplikacioneve të lojërave të fatit është raportuar gjerësisht, por origjinën e ka nga CCTV që pretendonte se Apple kishte kryer një “fshirje në shkallë të gjerë të aplikacioneve ilegale që shisnin bileta të lotarisë dhe ofruan shërbime të lojërave të fatit”.
Në deklaratën e tij, Apple tha: “Ne kemi hequr tashmë shumë aplikacione ilegale të lojërave të fatit në App Store-n tonë dhe ne jemi vigjilentë në përpjekjet tona për t’i gjetur këto dhe për të mos lejuar që ata të jenë në App Store”.
Kjo nuk është hera e parë që gjiganti i teknologjisë është kritikuar nga mediat shtetërore kineze për të pasur Apps të paligjshme në dyqanin e saj.
Në vitin e kaluar, Apple ka hequr Skype, si dhe qindra rrjete private virtuale, ose VPN që përdoren për të dërguar email të sigurta, për të transmetuar të dhëna dhe për të hyrë në faqet e internetit të bllokuara në Kinë.
/AlpeNews.al
