Autoritetet angleze shpallin në kërkim një 34-vjeçar shqiptar, të identifikuar si Granit Shehu. Ky i fundit akuzohet për vrasje në Shqipëri, ndërsa autoritetet angleze dyshojnë se pas kësaj ngjarje ai është fshehur në Britani.
NGJARJA NË 2015
Më 16 shtator të 2015 ai ka vrarë me 12 goditje thike djalin e xhaxhait, Milazim Shehu. Ai e ka qëlluar plot 12 herë me thikë viktimën tek dera e shtëpisë së këtij të fundit, duke e lënë të vdekur. Si shkak sipas hetimit të prokurorisë ka shërbyer, një pretendim i autorit të krimit Granit Shehu se vajza e të ndjerit, i kishte vjedhur në banesë një sasi prej 12 mijë lekësh të reja. Një pretendim i tillë, nuk është pranuar nga Milazim Shehu, ndërsa të dy ata janë konfliktuar mes tyre.
