Kompania e Pepsit ka njoftuar se do të blejë Sodastream për $ 3.2bn (£ 2.5bn). Sodastream e cila është me bazë në Izrael, prodhon një makinë dhe një cilindër që rimbushet, i cili lejon përdoruesit të bëjnë pije të gazuara.
Marrëveshja i jep Pepsit një mënyrë të re për të arritur në shtëpitë e konsumatorëve të tyre, në një kohë kur pijet e saj me sheqer janë duke u bërë më pak popullore. Ajo është gjithashtu blerja e parë e madhe e kompanisë.
Po ashtu shefja ekzekutiv Indra Nooyi zbuloi se ajo do të japë dorëheqjen në tetor pas 12 vjetësh në krye. PepsiCo do të blejë të gjitha aksionet e Sodastream, për 144 dollarë secila. Marrëveshja tashmë është miratuar nga bordet e të dy firmave.
Presidenti i PepsiCo Ramon Laguarta, tha se Pepsi po gjen mënyra të reja për të arritur tek konsumatorët, përveç shishes dhe kanaçes që prodhon.
Sodastream thotë se shitjet me ujë në shishe u rritën 6.2% në vit në pesë vitet deri në vitin 2017. Nëse rregullatorët e miratojnë marrëveshjen, ajo pritet të finalizohet në janar 2019, duke iu nënshtruar një votimi nga aksionarët e Sodastream.
Sodastream u themelua fillimisht në Mbretërinë e Bashkuar në vitin 1903 dhe kaloi në ndryshme të pronësisë, derisa u bë degë e Cadbury Schweppes në vitin 1985.
Në vitin 1998, ajo u ble nga firma izraelite Soda-Club, e cila e kishte fabrikën e saj të prodhimit britanik në Peterborough, por që u mbyllu në 2003.
/AlpeNews.al
