Ka dështuar të kalojë kufirin me një pasaportë të dyshuar si holandeze, një tirans. Ai është pikasur dhe arrestuar nga Policia Kufitare e Murriqanit, ndërsa ka tentuar të largohet jashtë Shqipërisë.
Pas kësaj, 50-vjeçari A. A., tashmë i prangosur, do të përballet me drejtësinë.
Drejtoria Vendore e Policisë Shkodër – Seksioni kundër krimit ekonomik e financiar
Më datë 17. 08. 2018, u arrestua në flagrancë shtetasi A. A., 50 vjeç, banues në Tiranë, pasi në Pikën e Kalimit Kufitar Murriqan-Shkodër, u kap duke përdorur një pasaportë holandeze të dyshuar si të falsifikuar. Materialet i kaluan Prokurorisë pranë Gjykatës së Shkallës së Parë Shkodër bazuar në nenin 89 të Kodit Penal.
