Pavarësisht se administrata sot e ka pushim, në ambientet e Kuvendit është mbledhur Komisioni i Ekonomisë.
Mbledhja është shoqëruar me debate, për shkak të diskutimeve për heqjen e akcizës për pijet energjike.
Deputetët e PD-së kanë kërkuar nga mazhoranca që t’i kërkojë falje Ridvan Bodes, pasi i është rikthyer projektit të këtij të fundit kur ishte ministër Finance, për heqjen e akcizës për pijet energjike.
Sipas tyre, PS e akuzoi për klientelizëm pa të drejtë para katër vitesh, Ridvan Boden.
Ndaj, sipas Jorida Tabakut dhe Edmond Spahos, PS deshi duhet t’i kërkojë falje Ridvan Bodes.
Atyre iu është përgjigjur kryetari i Komisionit, Erjon Braçe.
Tabaku: Duhet t’i kërkoni falje. Para katër vitesh e akuzuat për klientelizëm.
Spaho: Thojini ‘më fal’ Bodes, atë që deshët ta falimentonit.
Braçe: Bode nuk është më gjallë politikisht, dhe fatkeqësisht e ‘vrau’ partia.(TemA)
