Ndonëse prej disa vitesh është premtuar për të larguar njerëzit nga vese si bixhozi me marrjen e disa masave, në të vërtetë asnjë gjë nuk ka ndryshuar.
Për fat të keq në vendin tonë varësia ndaj pikave të basteve vazhdon të prekë çdo ditë e më tepër mijëra të rinj.
Njëri prej tyre është Aldo, 21-vjeç, i cili luan lloto për afro 7 vite pa ndërprerje duke mos mundur të shkëputet dot prej këtij vesi.
Ai ka treguar për TCH:
Skedinën e parë e kam vendosur që 13-14 vjeç. Nisi çdo gjë si lojë por që përfundoi në një varësi. Nuk ishte problem të luaje lloto që i vogël pasi disa kompani të lejonin të hyje.Varësia të shkakton shumë vese. Më e pakta cigarja, më e shumta, të bënë agresiv. Ti u përgjigjesh njerëzve me një sjellje të pa drejtë nga që nuk ndihesh i qetë psikologjikisht.”
Paratë e lëna në pikat e basteve Aldo e ka të vështirë t’i kujtojë. Janë aq shume lekë të shpenzuara saqë sot vret mendjen se ç’mund të kishte bërë nëse ato para do t’i shpenzonte më ndryshe.
