Pas shpërthimit të makinës me të cilën po udhëtonte, 25 vjeçari, Ines Hajrull i cili ndodhet në gjendje të rëndë në spital ka humbur njërën këmbë.
Ndërkohë, mjekët njoftojnë se ai rrezikon të humbasë edhe këmbën tjetër.
Ines Hajrulla dhe eshte djali i nje biznesmeni ne Vlore, pronari i nje lokali ne ate qytet.
Policia nuk dhënë konfirmim për gjendjen e personit të plagosur dhe nëse është apo jo ai objektivi.
Mësohet se është përdorur rreth 300 gram tritol për këtë ngjarje. Automjeti që u përfshi nga flakët ishte me targa AA298SL.
Ines Hajrulla është një emër i njohur për drejtësinë. Ai është shoqëruar disa herë në komisariat në harkun kohor të 4 viteve.
Në vitin 2013 ai u arrestua për grabitje të një llotoje pas një operacioni të mirëorganizuar, ndërsa bashkëpunëtori i tij u shpall në kërkim.
Në vitin 2016, policia e ka arrestuar në flagrancë për “Armëmbajtje pa leje”, shtetasin Ines Hajrullah . Gjatë kontrolleve të ushtruara, Policia i sekuestroi një armë zjarri “Pistoletë-Çeke”, e hedhur në tokë në një rrugicë pranë shkollës Industriale.
Robert Hajrulla, babai i viktimes se sotme ne Vlore është pronari i një lokali në Vlorë që mban emrin “Inin”. Para tre vitesh, më 25 tetor 2014, biznesmeni Robert Hajrulla u arrestua nën akuzën e vjedhjes së energjisë elektrike.
