Vazhdojnë ende kërkimet për të shpëtuar nën rrënojat e urës së Genovas, nga rrëzimi i të cilës 39 persona kanë humbur jetën, mes tyre edhe fëmijë.
Gjatë operacionit të shpëtimit, zjarrfikësit kanë nxjerrë të gjallë nga rrënojat edhe Gianluca-n, një biznesmeni 28 vjeçar, i cili ka rënë nga 40 metra lartësi gjatë rrëzimit të urës.
Operacioni i shpëtimit të Gianluca-s
Për mediat italiane ka folur e dashura e tij, e cila ishte edhe 8 muajshe shtatëzënë. Sipas saj, Gianluca nuk u dorëzua sepse donte të shikonte lindjen e djalit të tij.
Makina e tij kishte mbetur e varur diku nën rrënoja, nëse lëvizte do të rrëzohej dhe pasojat do të ishin fatale. Unë besoj se Gianluca u tregua i fortë dhe mbijetoi vetëm për të parë djalin e tij të lindte. Edhe pse në gjendje të keqe, ai ia doli por për fat të keq kolegu i tij jo.
