Pas tragjedisë së ndodhur në Genova të Italisë ku si pasojë e shëmbjes së urës kanë vdekur 38 persona dhe janë plagosur 15 ndërkohë që ka ende të zhdukur, ka reaguar ministri i Punëve të Jashtme Ditmir Bushati.
Nëpërmjet postimit të tij, Bushati shpreh dhimbjen dhe ngushëllim për humbjen e njerëzve në këtë tragjedi.
“Ngushëllime familjarëve dhe shërim të shpejtë të plagosurve nga shembja e urës Morandi, në autostradën A10”, shkruan ministri Bushati.
Gjithashtu ai ka bërë me dije se ambasada shqiptare në Itali është në gatishmëri të plotë për t’iu përgjigjur kërkesave për asistencë.
Postimi i plotë:
Në këto momente të vështira solidarizohemi me fqinjin tonë, Italinë, duke shprehur dhimbjen për humbjen e jetëve në tragjedinë e #Genova.
Ngushëllime familjarëve dhe shërim të shpejtë të plagosurve nga shembja e urës Morandi, në autostradën A10.
Ambasada shqiptare në Itali ndjek zhvillimet dhe është në gatishmëri të plotë për t’iu përgjigjur kërkesave për asistencë, duke vendosur në dispozicion dhe numrat e kontaktit: +39 0686224115 dhe +39 342 049 8192.
