Mëngjesi i së hënës shumicën e njerëzve nuk i gjen me energji pozitive. Pas një fundjave shlodhëse, dita e parë e javës kthehet në “makth” kur vjen puna te rikthimi në monotoninë e përditshme. Por disa të dhëna surprizuese kanë dalë nga studimi i fundit i bërë në Londër. Për të gjithë ata që kanë menduar se dita më depresive është e hëna e kanë gabim!
22 mijë persona janë bërë pjesë e studimit që nxori si ditën më të ‘keqe’ të martën. Personat në fjalë u studiuan për 2 muaj dhe gjatë kësaj kohe ju dërgoheshin mesazhe për t’i pyetur si ndiheshin. Në fund u zbulua se dita më e keqe për pjesën më të madhe të pjesëmarrësve ishte e marta, ndërsa më e lumtura e shtuna.
