Udinese po luan kundër Napolit ndeshjen e vlefshme për javën e 14-të të Serie A. Para startit të kësaj sfide situata mes dy tifozërive nuk ka qenë e qetë, pasi mediat italiane raportojnë se ka pasur një përplasje të tyre në hyrje të stadiumit.
Policia ka ndërhyrë duke shpërndarë turmën dhe ultrasit kanë hyrë në stadium rreth 20 minuta me vonesë. Rivaliteti mes këtyre ekipeve është mjaft i madh. Ndërkohë, sapo ka përfunduar pjesa e parë me rezultatin 0-1 në favor të Napolit, me një gol të shënuar nga Jorginho në minutën e 33-të.
