Pas rinumërimit të disa prej kutive të votimit dhe votave me kusht në Komunën e Rahovecit, fitues rezulton Smajl Latifi i AAK-së duke e mposhtur kështu Idriz Vehapin e PDK-së në këtë komunë.
Për fitoren e Latifit në Rahovec ka folur edhe anëtari i KQZ-së nga radhët e AAK-së, Binak Vishaj.
“Konfirmohet fitorja e Smajl Latifit per Rahovec. Edhe me votat me kusht fiton Smajl Latifi,Urime AAK”, ka shkruar Vishaj.
Paneli Zgjedhor për Ankesa dhe Parashtresa ka vendosur se cilat që disa vendvotime ne Rahovec t’i qojë në rinumërim. Kjo pas ankesës që PDK e kësaj komunë ka bërë kundër AAK-së.
Në balotazhin e 19 nëntorit për Rahovec, Smajl Latifi i AAK-së ka arritur që t’i mbledhë 10 mijë e 483 vota duke lënë pas për 241 vota Idriz Vehapin e PDK-së. Vehabi ka arritur që ti mbledhë 10 mijë e 242 vota në këtë komunë.
