Një shtetas 32 vjeç është kapur nga forcat e Policisë së Fierit pasi i ka vjedhur një sasi të konsiderueshme parash (në valutën euro) motrës së tij, shtetase shqiptare, më banim në qytetin e Fierit.
Mësohet se motra, shtetasja me inicialet A.GJ nuk ka qenë në dijeni për vjedhjen, ndërsa ka denoncuar çështjen tek blutë e qytetit.
NJOFTIMI I POLICISË
Më datë 06.08.2018, u referuan materialet në Prokurorinë pranë Gjykatës së Shkallë së Parë Fier, për shtetasin G. Ç., vjeç 32, banues në Fier, pasi i ka vjedhur në banesë një sasi eurosh motrës së tij, shtetases A. Gj. vjeçe 29, banuese në Fier. Nga kontrolli i ushtruar në banesën e tij, iu gjetën e iu sekuestruan në cilësinë e provës materiale disa fishekë dhe 4.3 gr, bimë e dyshuar narkotike e llojit Cannabis Sativa. Nenet 283/1, 134 dhe 278/2 të Kodit Penal.
