Familjarët e saj kishin denoncuar në polici largimin e saj nga banesa, ajo po tentonte të largohej drejt Italisë.
Kështu ka ndodhur një natë më parë me 20-vjeçaren nga Tirana me iniciale M.M., e cila është paraqitur pranë sportelit të policisë kufitare, ndërsa po tentonte të imbarkohej në një nga tragetet e linjës që lidhin portin e Durrësit me portet italiane.
Një verifikim i thjeshtë në sistem nga ana e policisë ka nxjerrë në dritë faktin se vajza e re ishte në kërkim nga policia, pasi familjarët kishin denoncuar zhdukjen e saj.
20-vjeçarja është ndaluar në port nga policia kufitare dhe është shoqëruar drejt policisë së Tiranës për veprime të mëtejshme.
