U luajtën sot të gjitha ndeshjes e javës së 9-të në Kategorinë e Parë, me përjashtim të sfidës Kastrioti-Erzeni.
Në grupin A, Besëlidhja dhe Egnatia u ndalën në një barazim, dhe për momentin qëndrojnë në vendin e dytë, në kuotën e 15 pikëve. Të dyja hodhën një hap fals sot, në ndjekjen ndaj Kastriotit, i cili numëron 20 pikë, dhe luan nesër ndeshjen e tij.
Në grupin B, Tirana u ndal në një barazim në Shënkoll, por iu shkëput 1 pikë Bylisit. Këta të fundit, u mundën në transfertën ndaj Apolonisë, duke lëshuar terren në luftën për kreun e kampionatit.
