Ajo është quajtur ‘Diva’ e muzikës shqiptare dhe është ngjitur në skenë që në moshën 6 vjeçare. Nëhet fjalë për këngëtaren kosovare Adelina Ismaili, është një artiste e cila ka impresionuar me artin e saj dhe ka arritur të sjellë me këngët një erë të re në muzikën shqiptare.
Adelina Ismaili është tërhequr nga daljet e saj në media, duke qenë sa më pak prezente në ekran për shkak të impenjimit që ka me të voglin e saj.
Por së fundmi emisioni “Thumb” në ABC news ka siguruar një intervistë me të, ku ka treguar më tepër për jetën si një mami e re, marrëdhënien me bashkëshortin e tij Valin, por edhe për lidhjen e ngushtë mes motrave. Adelina, ka rrëfyer një moment të vështirë në jetën e saj, vdekjen e mamit. Në atë periudhë ajo ishte shtatzënë me Uliksin dhe ndarjen nga jeta të nënës se saj e ka përjetuar shumë keq, aq sa e ka quan “depresion gjatë shtatzënisë”,
“Depresion pas lindjes, nuk kam pasur, por gjatë shtatzënisë. Në atë periudhë më vdiq mami, dhe e kam pasur në mendje gjatë gjithë kohës që mami nuk është më me ne”, u shpreh ajo.
Kjo fatkeqësi e ka lidhur më shumë me dy motrat e saj, në çdo aspekt. “Ne shqiptarët e kemi traditë që kemi një familje të fortë. Por, po jemi afruar më shumë në çdo aspekt”, ka rrëfyer Adelina.
Në intervistat që ka pasur më herët ka deklaruar se do të bënte 7 fëmijë, por pas kësaj ekperience, duket se numri është ulur shumë dhe ka shkuar në 2. Adelina ka rrëfyer se dëshiron që Uliskit të vogël t’i bëjë një motër, pasi e ka pasur gjithmonë shumë dëshirë që të ketë një vajzë, madje ajo tregon se kur del të blejë rroba për djalin, në fillim kalon në sektorin e vajzave: “Më ndodh që kur dal t’i blejë rroba Uliskit, të kaloj një herë nga sektori i vajzave”, u shpreh ajo.
