Pas statusit të Kryeministrit Rama ditën e dhjeshme ku lajmëroi se Këshilli i Atlantikut të Veriut ka miratuar vendimin për të ndërtuar në Shqipëri bazën e parë ajrore në Ballkanin Perëndimor vijnë dhe reagimet e mediave ndërkombëtare.
Më poshtë po ju sjellim çfarë shkruan Washington Post sot për Shqipërinë:
Kryeministri i Shqipërisë thotë se NATO ka vendosur të ndërtojë një bazë ajrore në vend.
Kryeministri Edi Rama shkroi të shtunën në faqen e tij në “Facebook” se Këshilli i Atlantikut të Veriut i NATO-s, organi kryesor vendimmarrës politik, ka vendosur të investojë 50 milionë euro fillestare për modernizimin e bazës ajrore në Kuçovë, 80 kilometra (50 milje) në jug të kryeqytetit Tirana. Baza ajrore ka qenë atje për dekada të tëra.
Baza do t’i shërbejë Shqipërisë të mbështesë operacionet e furnizimit me ajër të NATO-s, mbështetjen e logjistikës, policinë ajrore dhe stërvitjet.
Kryeministri tha gjithashtu se zyrtarët po diskutojnë me Shtetet e Bashkuara mbi “modernizimin e mëtejshëm të kapaciteteve ajrore shqiptare”.
Shqipëria u bashkua me NATO në 2009 dhe ende po zëvendëson armatimin e saj të vjetëruar. Vendi shtrihet në Detin Adriatik dhe Jon, në veriperëndim të Greqisë.
