Një vajzë nga Tirana ka kaluar një periudhë makthi pasi një person e përndiqte prej kohësh. Vajza 18-vjeçare me inicialet A.Xh., u drejtua në polici për ndihmë pasi ndihej e kërcënuar nga një 23-vjeçar me inicialet O.M.
E reja deklaroi në polici se ky shtetas e përndiqte ngado që ajo shkonte. Ai i kërkonte të resë lidhje intime por përherë haste në refuzimin e saj.
Pasi mori denoncimin, policia vendosi të ndiqte të riun. Ai vijoi me të njëjtin skenar dhe iu vu nga pas vajzës së re sapo ajo doli nga banesa.
Në ato momente ndërhyri policia që bëri prangosjen në flagrancë të tij.
