Një studente nga Turqia ka arritur të thyejë rekordin duke ngrënë një numër të madh shishqebapësh në vetëm 23 minuta.
Gjeren Yilmaz hëngri 255 shishqebapë duke i shoqëruar me tre gota airan (pije jogurti tuke) dhe dy gota me ujë. Gara u organizua nga pronari i objektit hotelierik, i cili ndodhet në qarkun Kepez, Ilyas Demir dhe aty u paraqitën 21 studentë.
Yilmaz theu rekordin dhe si shpërblim mori një telefon celular në vlerë prej 5.000 lira (rreth 870 euro), ar në vlerë prej rreth 55 euro dhe të drejtën për të ngrënë ushqim pa pagesë në periudhën e ardhshme katër mujore.
Ajo tha se në fillim nënvlerësohej nga studentët e tjerë pasi peshon vetëm 45 kg, por e vërtetoi të kundërtën.
“Fillimisht mendova se do ma digjte stomakun, por doja ta thyej rekordin. Kam ngrënë rreth 4 kilogramë mish. Për një orë shtova në peshë, megjithatë do të thyej përsëri rekordin tim”, tha 21-vjecarja.
Kujtojmë se rekordin e mëparshëm e mbante Busra Canimoglu, e cila për 18 minuta kishte ngrënë 194 shishqebapë.
