Dritan Hallunaj, gjyqtar i Gjykatës së Krimeve të Rënda prej vitit 2003, i cili është pjesë e listës prioritare të vetingut pasi ka kandiduar për Këshillin e Lartë Gjyqësor eshte konfirmuar ne detyre.
Vendimi eshte dhene sot nga KPK, e cila ka deklaruar se gjyqtari konfirmohet ne detyre.
Hallunaj ndërkohë për mediet e pranishme në sallën e seancave dëgjimore të Komisionit të Pavarur të Kualifikimit ka shprehur pas vendimit se ndihet falenderues ndaj punës së bërë të KPK-së, dhe se gjithashtu i lehtësuar pas dhënies së verdiktit të Komisionit.
Dje ai u paraqitur i vetem pa avokat perballe Komisionit te Pavarur të Kualifikimit, i cili përfaqësohet në këtë proces nga Pamela Qirko, Suela Zhegu dhe Genta Tafa (Bungo).
Sipas ILDKPKI subjekti nuk ka probleme me pasurine. Ndaj Hallunajt ka një ankesë nga ish-kryeprokurori i Përgjithshëm, Adriatik Llalla, për vendimin e dhënë në gjyq ndaj Arben Frrokut. Hallunaj vendosi për pafajësinë e Arben Frrokut, dhe kryeprokurori Adriatik Llalla, bëri ankesë në KLD në vitin 2015. Llalla pretendoi se vendimi i gjyqtarit për Frrokun ka qenë i pabazuar dhe se ai ka bërë vlerësim provash të njëanshme. Përsa i përket pastërtisë së figurës, për gjyqtarin Dritan Hallunaj ka dy denoncime.
