WhatsApp ka bërë më në fund aktiv opsionin për të folur në grup audio dhe video për telefonat iOS dhe Android.
Funksioni që bën thirrje grupi mund të bëhet me 4 vetë njëkohësisht, pavarësisht se ku ndodheni.
Kompania thotë se e reja është projektuar për të punuar edhe në kushte të vështira interneti, kështu që ju mund të bisedoni me video me shokët ose anëtarët e familjes nga një vend ku nuk ka lidhje të mirë interneti, mjafton që të jeni “online”.
WhatsApp ka bërë me dije se ka 1.5 miliardë përdorues aktivë mujorë. WhatsApp nisi së pari lidhjen me video në vitin 2016, ndërsa telefonatat vetëm me audio janë bërë që në 2014 dhe tani përdoruesit e tij harxhojnë gjithsej 2 miliardë minuta në ditë duke folur në telefon.
