Sali Berisha akuzoi djalin e deputetit të Fushë Krujës se ka përdhunuar një vajzë nga Nikla e cila për hir të së vërtetës është nga fshati “Zezë” i Niklës, fshat shumë i vështirë për këto punë.
Dhe Berisha e di se çfarë do të thotë kjo. Por e vërteta qëndron krejt ndryshe.
Xhisela Maloku, vajza nga fshati Zezë njësia administrative Nikël e bashkisë Krujë ka pasur një përplasje për shkaqe xhelozie me ish të dashurin e saj Rexhep Rrahman Rraja, djalin e deputetit të PS për këtë zonë.
Ajo e ka kallëzuar atë në polici, duke qënë në gjendje të rënduar emocionale për shkak se gjatë kohës që ka qënë e lidhur me të, ai ishte lidhur me një vajzë tjetër.
Madje kishte shkuar dhe kaluar pushimet me të në Jalë.
Teksa i ka shpjeguar të gjitha rrethanat, duke deklaruar se këto janë zënka verbale normale mes të rinjve, ndërsa ka mohuar të ketë pasur dhunë fizike mes tyre, Xhisela Maloku ka tërhequr polici denoncimin që kishte bërë në inat e sipër.
“TemA” po boton të plotë procesverbalin e marrjes në pyetje të saj në polici, ku tregon të gjitha rrethanat.
Ku duket qartë se më e ‘dhunshme’ ka qënë vajza me djalin e deputetit, për arësyen e vetme se është ndjerë e tradhtuar dhe xhelozia ka bërë të veten. Aq më tepër që Maloku është nga fshati Zezë i Niklës.
Por nga ana tjetër Xhisela Maloku përpos kërkesës në media që të përgënjeshtrojnë lajmin e dhënë se është përdhunuar nga djali i deputetit, ditën e sotme ka shpërthyer në statusin e vënë nga Berisha, në adresën e ish kryeministrit.
“O doktor, po na ka zënë frika me bo i her debat, se e bën lajm dhe e kalon dhe në përdhunim pale”, shkruan Xhisela Maloku në komentin e saj në postimin që ka vënë Berisha në adresën e vet, ku akuzon djalin e deputetit për përdhunim.
Faktet tregojnë qartë se Sali Berisha dhe njëherë ia ka futur kot me “qytetarin dixhital”, duke akuzuar njerëz të pafajshëm për krime që s’kanë ndodhur.
