Policia e Tiranës ka vënë në pranga një të moshuar për përndjekje.
Një 29-vjeçare ka kallëzuar në Komisariatin e Policisë Nr. 4 në kryeqytet se i moshuari ka kohë që e përndjek pasi kërkon të ndërtojë një raport me të.
“Më është bërë ferrë, ka 4 muaj që nuk më lë rehat”, ka thënë e reja.
Efektivët e këtij komisariati kanë arrestuar në flagrancë shtetasin me iniciale J.P., 68 vjeç, banues në Tiranë.
Ndaj tij ka denoncuar 29-vjeçarja me inicialet R.B., banuese në Tiranë, e cila ka rrëfyer para bluve se i ‘ishte nxirë jeta’ nga i moshuari.
