Të shtëna me armë zjarri janë shënuar mbrëmjen e sotme drejt një furgoni në lëvizje në fshatin Poravë në Fushë Arrëz. Nga të shtënat nuk ka atë lënduar.
“Në Sallën Operative të Komisariatit të Policisë Pukë ka ardhur një telefonatë se në fshatin Poravë, Fushë Arrëz, shtetasi L.N. 49 vjeç, banues në fshatin Poravë, dyshohet se ka qëlluar me armë zjarri, në drejtim të mjetit me targa AA 982 MG, i drejtuar nga shtetasi T.P..Nga të shtënat nuk ka asnjë person të lënduar”, njoftoi Policia.
“Nga hetimet e para dyshohet se ngjarja ka ndodhur për një konflikt për motive të dobëta”, sqaroi Policia.
Vijojnë hetimet për sqarimin e plotë të rrethanave të ngjarjes si dhe po punohet për kapjen e autorit, shtuan të njëjtat burime.
