Një grabitje me armë në Shkodër ka ndodhur mbremjen e kaluar ku tre persona të maskuar dhe të armatosur kanë shkuar për të grabitur shtetasin Agron Veseli, 62 vjeç.
Pas ngjarjes së rëndë 62-vjeçari u mor me një ambulancë dhe u dërgua në spitalin rajonal të Shkodrës.
Në fotot, i dhunuari shihet se ka plagë në kokë, fytyrë dhe trup nga goditjet e grabitësve. Ai mori mjekim në spitalin e Shkodrës dhe është jashtë rrezikut për jetën.
Në momentin e daljes nga banesa për të hipur në ambulancë, Agron Veseli dallohej qartë se ishte ende i traumatizuar nga tentativa e grabitjes e ndodhur në banesën e tij ku tre hajdutë të armatosur dhe të maskuar i kërkuan para.
Pasi 62-vjeçari refuzoi ai është goditur nga grabitësit derisa komshinjtë kanë dëgjuar zhurmën dhe kanë njoftuar policinë. Efektivët mbërritën shpejt duke arrestuar njërin prej autorëve fillimisht Pllumb Kolbuçaj dhe më pas edhe një tjetër Abdullah Hardhiqaj ndërsa i treti, një 20 vjeçar është në kërkim.
