Një pjesë e rojeve bregdetare në plazhin e Tales në Lezhë nuk janë të specializuar në dhënien e ndihmës së parë për pushuesit që mund të përballen me rrezik gjatë qëndrimit në plazh. Në vijën bregdetare të Tales janë ngritur 7 kulla vrojtimi, por rojtarët e pacertifikuar i zbehin masat për garantimin e sigurisë së pushuesve në plazhin që po behet gjithmonë e më i frekuentuar!
Në bregdetin e Tales në Lezhë janë ngritur 7 kulla vrojtimi, por rojet bregdetare të angazhuar për sigurinë e pushuesve janë të pacertifikuar për dhënien e ndihmes së shpejtë, siç e kërkon ligji.
Problematika pranohet nga Administratori i Shënkollit, Albert Rrusti, i cili paralajmëron masa ndëshkimore për subjektet që nuk kanë plotësuar detyrimet e përcaktuara në kontratë.
Albert Rrusti: Në bregdetin e Talës janë vendosur rreth 7 kulla vrojtimi me një distancë rreth 2 km që është e shfrytëzuar nga operatorët e biznesit. Problem mbetet pjesa e rojeve të certifikuar, ne si njësi administrative do marrim masa ndëshkuese ndaj këtyre bizneseve që nuk zbatojnë rregullat e vendosura në kontratë.
Pushuesit thone se prania e kullave dhe vrojtuesve eshte siguri me shume per ta, ndërsa janë të kenaqur me atë çfarë ofron Talja.
10 pushues kanë humbur jetën gjatë këtij sezoni turistik në plazhet e vendit nga jugu në veri edhe për shkak të mungesës së masave të sigurisë në plazhe dhe vonesës në dhënien e ndihmës së parë.
Rasti më i fundit u regjistrua të dielën në Velipojë.
Çdo subjekt, i cili ka marrë me qera një plazh, e ka detyrim ligjor vendosjen e vëzhguesve të plazheve si dhe vendosjen e flamujve për të treguar detin me dallgë dhe motin e përkeqësuar.
