“Getty Images” ka publikuar ditën e sotme një foto ekskluzive të Mbretëreshës së Shqipërisë Geraldina.
Bashkëshortja e Mbretit Zog është fotografuar nga Vittoriano Rastelli në vitin 1963 në ambjentet e banesës së saj në Madrid të Spanjës.
ALPENews.al raporton se autori i kësaj shkrepjeje është një prej fotografëve më të famshëm të kohës, që ka nxjerrë në pah bukuritë e Sofia Loren, Elvis Presley, apo edhe aktorë të famshëm si Anna Maria Pierangeli.
Mbretëresha Geraldinë në foton e Rastelli-t është e ulur në një nga cepet e shtëpisë së saj, teksa shkëlqen në një fustan me rombe të bardhë dhe fushë të kuqërremtë.
Me sy të lirë dukshëm shfaqet mbrapa Mbretëreshës edhe profili i Mbretit Zog në një fotografi e vendosur me shumë delikatesë krahas panoramave të tjera.
Shprehia e fytyrës së saj tregon një moment lumturie dhe këtë e shfaq me anë të një buzëqeshjeje të kapur pikërisht në këtë fotografi.
“Getty Images” tregon se shuma për të përvetësuar fotografinë origjinale është 475.00 euro.
Ky artikull është përgatitur nga redaksia e ALPENews.al me materiale nga “Getty Images”.
