Ministri i Jashtëm i Greqisë, Nikos Kotzias ka folur për bisedimet që shteti helen po zhvillon me Shqipërinë për ti dhënë zgjidhje një sërë çështjesh të mbetura pezull mes dy vendeve si p.sh, ligji i luftës apo marrëveshja për kufirin detar.
Shefi i diplomacisë greke ka evidentuar faktin se opozita e vendit të tij dhe ajo në Shqipëri po punon negativisht në mënyrë që marrëveshja mes dy shteteve të dështojë.
“Duhet pjekuri për të arritur në përfundimin e duhur. Opozita po riprodhon steriotipe negative mes dy popujve”, ka thënë ndër të tjera ministri grek.
Kujtojmë që edhe në vendin tonë mediat kanë evidentuar qasjen e opozitës shqiptare për këtë çështje e cila në mjaft raste me qëndrimet e saj është artikuluar në favor të dështimit të kësaj marrëveshje.
