Kontrolli i makinës nga policia i ka nxjerrë zbuluar lëndën narkotike që mbante në të, një të riu në Durrës.
Ngjarja ka ndodhur ditën e djeshme në lagjen nr.8 të qytetit ndërsa burimet zyrtare infromojnë se bëhet fjalë për shtetasin E.A., vjeç 28, banues në Durrës.
Këtij shtetasi, sqaron policia, gjatë kontrollit në mjetin “Mini-Kuper”, iu gjetën dhe u sekuestruan në cilësinë e provës materiale 2 doza lëndë narkotike e llojit marijuanë.
Materialet në ngarkim të 28-vjeçarit u referuan në Prokurorinë pranë Gjykatës së Shkallës së Parë Durrës, sipas veprës penale të neni 283/1 të Kodit Penal.
