Administrata Trump do të përgjigjet përpara G20-ës, që do të zhvillohet në Argjentinë këtë fundjavë, për shqetësimet e shkaktuara nga politika tregtare amerikane dhe do të kritikojë sërish agresionin ekonomik të Kinës, sipas një përgjegjësi të Thesarit.
“Ne do t’i përgjigjemi shqetësimeve mbi politikën tregtare amerikane”, njoftoi sot ky përgjegjës i lartë i Thesarit amerikan, ndërkohë që Uashingtoni ka zhvilluar një kthesë me drejtim proteksionist në lidhje me tregtinë botërore duke imponuar taksa doganore shtesë mbi çelikun, aluminin dhe miliarda dollarë produkte kineze.
Në kuadër të G20-ës së Financave që zhvillohet të shtunën dhe të dielën, Steven Mnuchin ka parashikuar dhjetëra takime shumëpalëshe, por asnjë me Kinën.
Takime dypalëshe parashikohen të kryhen kryesisht me Francën, Gjermaninë, Kanadanë, Japoninë, Korenë e Jugut, Argjentinën, Italinë dhe Meksikën.
