Kompania “Facebook” i ka kërkuar falje familjes së mafiozit italian Salvatore Riina, i njohur si Toto Riina, për heqjen e mesazhit të ngushëllimit pas vdekjes së tij javën e kaluar.
Një nga kompanitë më të mëdha e më të njohura sot në botë, “Facebook” raportoi se mesazhet për ngushëllim në profilin e dhëndrit të Riina u hoqën gabimisht, pasi përdoruesit u ankuan se publikimi shkelte rregullat e rrjetit social.
Pas rivlerësimit, “Facebook” i ktheu mesazhet në profil dhe kërkoi falje. I njohur si Bosi i Bosave, ose Kapo i Kapove të “Cosa Nostra” Toto Riina vdiq javën e kaluar në Parma, ku po shlyente dënimin në një burg të qytetit, në moshën 87-vjeçare. Ka dyshime se pavarësisht moshës së thyer dhe faktit se ka qenë i dënuar shumë herë me burgim të përjetshëm për rreth 150 vrasje e shumë krime të tjera monstruoze, ai nuk ka patur një vdekje natyrale. POr ky mbetet thjeshtë një dyshim i pa verfikuar.
Mbetjet e tij mortore mbërritën në Sicili. Familja organizoi një varrim privat në qytetin Corleone, një çerdhe e mafisë, e cila u bë e njohur nga filmi “Kumbari”.
