Një ngjarje e rëndë ka ndodhur dy ditë më parë në Kukës, ku një i ri ka përplasur me makinë me qëllim për të vrarë, bashkëjetuesen e tij.
Lajmi është bërë publik nga policia, e cila sot thotë se ka arrestuar personin e dyshuar për tentativën e vrasjes së të resë me inicialet M. B., e cila ndodhet në spital.
Sipas policisë, dy ditë më parë 28-vjeçari me inicialet Gj.N., nga Oroshi i Mirditës, në rrugën Kukës-Uzinë, në vendin e quajtur ‘Ura 6-metrosh’, duke lëvizur me mjetin tip ‘Benz’, ka tentuar të vrasë, duke e goditur me mjetin që drejtonte bashkëjetuesen e tij.
