Një ngjarje e rëndë është shënuar sot në Tiranë, ku është denoncuar zhdukja e dy fëmijëve. Sipas familjarëve, ato janë nisur për në shkollë dhe nuk janë kthyer më në shtëpi.
Dyshimet e policisë janë se vajzat kanë ikur në Kosovë.
I ati dhe vëllai i vajzave, M.P. dhe B.O., janë paraqitur në komisariatin e Kamzës gjatë pasdites dhe kanë denoncuar se binjaket 16-vjeçare, A.O. dhe E.P., janë nisur për në shkollë në mëngjes dhe nuk janë kthyer në shtëpi.
Vajzat janë nxënëse në vitin e dytë të një shkolle të mesme, të cilat dyshohen se mund të jenë larguar në drejtim të Kosovës, bën me dije Policia që shton se po punohet për gjetjen e tyre.
Materialet lidhur me rastin u referuan në Prokurorinë e Rrethit Gjyqësor Tiranë.
Njoftimi:
Më datë 20.11.2017, shtetasit M.P dhe B.O, vjeç 23 e 44, kallëzojnë se në mëngjes janë nisur për në shkollë dhe nuk janë kthyer, motra dhe vajza A.O dhe E.P, vjeç 16 e 16, nxënëse në vitin e dytë të një shkolle të mesme, të cilat dyshohen se mund të jenë larguar në drejtim të Kosovës. Punohet për gjetjen e tyre. Materialet u referuan në Prokurorinë e Rrethit Gjyqësor Tiranë.
