Pas ngjarjes së rëndë në një local në Dhërmi, janë arrestuar deri më tani dy persona të cilët kanë qenë edhe pjesë e një grupi që kanë shtënë me armë në ajër gjatë një feste.
ALPENews.al raportoi për këtë ngjarje mëngjesin e sotëm.
Lajmi për të shtënat në Dhërmi (1)
Ata janë:
- Rei Vrapi – 21 vjeç, banues edhe është nga Vlora
- Emiliano Nina – 23 vjeç, banues edhe është nga Tirana
Emiliano Nina – 23 vjeç nga Tirana
Ngjarja e djeshme ka ndodhur në orët e mesnatës (rreth orës 01:00) ku është raportuar për katër (4) të shtëna arme (tip pistoletë) fotot e të cilës ALPENews.al i publikoi disa minuta më parë.
Përveç kësaj mbi Ninën do të rëndojnë akuzat: Për veprën penale ”Mbajtja pa leje dhe prodhimi i armëve shpërthyese dhe municionit”, ”Prishja qetësisë publike”, parashikuar nga neni 278 dhe 274 të Kodit Penal.
NGJARJA KRONOLOGJIKE
Një i ri ka rënë në prangat e Policisë së Himarës, pasi është kapur duke lëvizur me armë zjarri. Policia ka arrestuar shtetasin Rei Vrapi, 21 vjeç, i cili ka qenë duke udhëtuar si pasagjer në një mjet tip ‘BMW X5’, së bashku me tre persona të tjerë.
Gjatë kontrollit fizik, të riut i është gjetur një armë zjarri e markës TT me një kreher dhe 7 fishekë. 21-vjeçari është arrestuar, ndërsa janë shoqëruar edhe tre personat e tjerë që ndodheshin me të në makinë.
Policia arreston në flagrancë një 21 vjeçar i cili qarkullonte me armë zjarri me vete. Shërbimet e Policisë në Dhërmi kanë marrë informacion se një i ri po lëvizte me armë zjarri me vete, si pasagjer në një automjet BMV X5.
Policia menjëherë ka organizuar punën, ku rreth orës 23.00, në fshatin Dhërmi, bashkia Himarë, në lagjen “Gjilek”, është konstatuar mjeti që dyshohej se lëvizte personi që kishte armë me vete.
Gjatë kontrollit fizik të bërë shtetasit Rei Vrapi, 21 vjeç, banues në Vlorë, Policia i gjeti dhe sekuestroi në cilësinë materiale një armë zjarri e markës TT me një kreher me 7 fishekë.
Ky shtetas ishte duke udhëtuar si pasagjer në automjetin e markës BMW X5 me pronar shtetasin R.S., 22 vjeç, banues në Vlorë. Në automjet udhëtonin edhe 3 persona të tjerë, të cilët së bashku me automjetin janë shoqëruar në ambientet e Komisariatit të Policisë Himarë për veprime të mëtejshme hetimore.
Në përfundim të veprimeve të para hetimore të kryera nga Specialistët për Hetimin e Krimit në Komisariatin e Policisë Himarë, u bë arrestimi në flagrancë i shtetasit Rei Vrapi, për veprën penale “Prodhimi dhe mbajtja pa leje e armëve luftarake dhe municoinit”, ndërsa personat e tjerë janë lënë të lirë. Materialet i kaluan Prokurorisë për veprime të mëtejshme.
/AlpeNews.al
