Rasti i sotëm ku një 40 vjeçar dyshohet se prej 1 viti e gjysëm ka mbajtur peng të miturën 17 vjeçe tronditi opinion publik.
E megjithatë, akoma më tronditës është fakti se raste të tilla nuk janë të pakta. Të miturit duket se janë shfrytëzuar qoftë nga persona me problem të theksuara mendore, qoftë nga ata që i kanë dërguar më pas për trafikim të qenieve njerzorë.
I tillë është edhe rasti i vogëlushes Bleona Mata që ende vijon në kërkim.
Çfarë ndodhi sot:
Një 40-vjeçar është arrestuar nga policia e Gjirokastrës pasi akuzohet për rrëmbim të një adoleshenteje.
Ai quhet Shpëtim Muharremi, banues në Levan, Fier.
Ndalimi i tij u bë pasi , nga denoncimi i prindërve të një shtetaseje 17 vjeçare banuese në Gjirokastër më datë 07.12.2017, si dhe veprimeve hetimore të deritanishme, dyshohet se është autori i rrëmbimit të 17-vjeçares dhe që e mban peng për motive të dobëta, prej 6 muajsh.
Pasi Shpëtim Muharremi është prangosur vazhdojnë hetimet për lokalizimin dhe gjetjen e të mitures si dhe zbardhjen e plotë të ngjarjes.
Kapërcen murin dhe merr me forcë 11 vjeçaren:
Në Durrës, 46 vjeçari Arben Kabashi i cili duke kapërcyer murin është futur në banesën e komshiut, ku ka marrë me forcë vajzën e mitur, Xh.K. 11 vjeçe.
Në banesë ndodheshin vetëm tre vajzat pasi prindërit kishin ikur në punë më herët. Të sinjalizuar për rastin efektivët e policisë rrethuan banesën.
Mësohet se Kabashi, i cili vuan nga depresioni mbante në dorë një thikë dhe kërcënonte se do të vriste vajzën. Në këto kushte dhe në pamundësi të kohës për të pritur forcat më të specializuara për të tilla ndërhyrje, efektivët e policisë së Durrësit duke parë që po i kërcënohej seriozisht jeta vajzës, me iniciativë kanë ndërhyrë në disa drejtime duke i tërhequr vëmendjen agresorit. Falë ndërhyrjes së shpejtë është bërë e mundur që e mitura të nxirret nga banesa e Arben Kabashit dhe është dërguar në banesën e saj.
Rasti i Bleonës, ende në kërkim:
Historia e Bleonës nga Kukës vijon të mbetet ende mister. Ajo u zhduk para 8 vitesh dhe dyshimet e para e deri më sot janë se ajo eshte rrëmbyer.
Begsim Isa, 22-vjeçari nga Kukësi akuzohet se tentoi të trafikojë në Kosovë një 8-vjeçar të cilin e mori me vete përmes mashtrimit. Fatmirësisht i mituri arriti të shpëtohet në kohë nga forcat e policisë të cilat prangosën Begzim Isën.
Por, i riu nga Kukësi dyshohej edhe për zhdukjen e vajzës Bleona Mata, dyshime të cilat nuk u provuan asnjëherë. Bleona u zhduk 8 vjet më parë në Zapod të Kukësit, i njëjti fshat nga ku u rrëmbye dhe i mituri 8-vjeçar.
Marrin peng dy të mitur:
Fier, Policia e Fierit ka arrestuar dy persona të cilët akuzohen për heqje të paligjshme të lirisë së dy të miturve.
Burime nga policia bëjnë me dije se janë arrestuar shtetasit Gerti Alla 21 vjeç dhe 19-vjeçari Romeo Malilaj pasi kanë marrë kundër dëshirës dhe kanë kërcënuar dy të mitur.
/AlpeNews.al
