Aksident i rëndë në një fshat të Belshit. Traktori del nga rruga dhe rrokulliset në anë të saj, vdes gjatë rrugës për në spital drejtuesi i mjetit.
Ngjarja ndodhi në rrugën Belsh-Pajovë, në fshatin Rrasë. Hajro Dingozi 57 vjeç, banues në fshatin Kurtinë të Lushnjës, duke drejtuar mjetin tip “Traktor”, pa targë, ka dalë nga rruga e është aksidentuar.
Banorë të rastësishëm i kanë dhënë atij ndihmën e parë duke e nisur drejt spitalit të Elbasanit, por nuk ka mundur të mbijetojë dhe ka ndërruar jetë në spitalin kirurgjik si pasojë e politraumës.
Po punohet për zbardhjen e rrethanave të aksidentit. Materialet u referuan në Prokurorinë pranë Gjykatës së Shkallës së Parë Elbasan.
