Pas aksionit të ndërmarrë nga Autoriteti Kombëtar i Ushqimit (AKU) në mbledhjen e mishit jashtë kushteve higjeno-sanitare, të bien në sy shifra qesharake dhe aspak serioze për një institucion. Me zë të lartë dhe hapësira të gjera, mediat turren të bëhen zëdhënës të këtij institucioni duke transmetuar kilogramët e pa vlerë të mishit që sekuestrohet.
Duke marrë shkas nga aksioni i ditëve të fundit, që çuditërisht nis një javë para festave të shënuara kalendarike, apo edhe një muaj, AKU nis e “mbledh” mishin e gjithë Shqipërisë dhe deklaron se ai është i pa ngrënshëm dhe jashtë kushteve hijeno-sanitare. Janë shifra qesharake dhe nuk është çështje kombëtare të thuash se u kap 100 kg mish, e barasvlershme me një viç apo një lopë. TURP!
Edhe më herët AlpeNews.al, ka denoncuar punën e dobët të AKU, dhe kushtet që nuk u plotëson kasapëve apo thertoreve në vend. Dhe një nga kushtet që vetë AKU shkel me të dyja këmbët: “Është detyrë e AKU që të kontrollojë jo vetëm kushtet e mjediseve të therjes apo shitjes së mishit, por dhe pjesën e transportit nga thertorja deri tek tregtimi dhe të mos lejojë në asnjë rast që ky transport të kryhet në mënyrë të tillë amatore dhe të ndaluar. Është detyrë e inspektorëve të AKU të ndjekin lëvizjen e mishit deri tek konsumatori, shëndeti i të cilit është parësori”, shprehet Halimi.
Fakt që AlpeNws.al e ka denoncuar edhe më para duke u shqetësuar dhe treguar që fajin nuk e kanë këto thertore që mbyllen.
AKU nuk plotëson vetë e para detyrimet që ka ndaj klientit, pastaj të merret me mbledhjen e viçave dhe ta shes si sukses të punës së saj në terren!
Aksioni për mbylljen e thertoreve që edhe nuk plotësojnë kushtet edhe nuk janë të licesuara tashmë duhet të kishte përfunduar. Është e çuditshme si i ka shpëtuar në aksionet e mëparshme syrit zhbirilues të AKU këto thetrorte që sot nuk plotësojnë as kushtet edhe nuk qenkan të liçensuara. Show vazhdon. Kemi dhe gjelat e detit se po vjen dhe Viti i Ri!
Përgatiti: AlpeNews.al
Këtu mund të lexoni shkrimin e plotë mbi skandalin e transportimit të mishit jashtë kushteve të kerkuara që AKU nuk e plotëson
EKSKLUZIVE/ AKU nuk kontrollon transportin e mishit, ja si rrezikohet shëndeti ynë
